એરલાઈન્સ ઈતિહાસની સૌથી મોટી કાર્યવાહી: ઈન્ડિગોની બેદરકારી બદલ DGCAએ ફટકાર્યો અધધ 22 કરોડનો દંડ
દેશની સૌથી મોટી ખાનગી એરલાઇન્સ ઈન્ડિગો (IndiGo) માટે માઠા સમાચા
દેશની સૌથી મોટી ખાનગી એરલાઇન્સ ઈન્ડિગો (IndiGo) માટે માઠા સમાચાર સામે આવ્યા છે. એવિએશન રેગ્યુલેટર DGCA (ડિરેક્ટોરેટ જનરલ ઓફ સિવિલ એવિએશન) એ ઈન્ડિગો ફ્લાઈટ કટોકટી મામલે પોતાનો તપાસ અહેવાલ રજૂ કર્યો છે, જેમાં એરલાઇન્સની ગંભીર બેદરકારી સામે આવી છે.
મુખ્ય કાર્યવાહી:
ભારે દંડ: DGCA એ સુરક્ષા અને મેનેજમેન્ટની ખામી બદલ ઈન્ડિગો પર કુલ ₹22 કરોડ (222 મિલિયન રૂપિયા) નો દંડ ફટકાર્યો છે.
VPની હકાલપટ્ટી: તપાસ અહેવાલ બાદ એરલાઇન્સના વાઈસ પ્રેસિડેન્ટ (VP) ને તાત્કાલિક પદ પરથી હટાવવાનો આદેશ આપવામાં આવ્યો છે.
બેંક ગેરંટી: ભવિષ્યમાં આવી ભૂલો ન થાય અને સિસ્ટમમાં સુધારો થાય તે માટે ઈન્ડિગોએ DGCA પાસે ₹50 કરોડની બેંક ગેરંટી જમા કરાવવી પડશે.
કેમ લેવાયા આ કડક પગલાં? તપાસમાં જાણવા મળ્યું છે કે કટોકટીના સમયે એરલાઇન્સનું મેનેજમેન્ટ પ્રોટોકોલ જાળવવામાં નિષ્ફળ રહ્યું હતું, જેના કારણે મુસાફરોની સુરક્ષા જોખમાઈ હતી. DGCA એ સ્પષ્ટ કર્યું છે કે એવિએશન સેક્ટરમાં કોઈ પણ પ્રકારની બેદરકારી ચલાવી લેવામાં આવશે નહીં.
