Bihar Election:નીતિશ કુમારની JDUએ ઉમેદવારોની બીજી યાદી કરી જાહેર, 44 લોકોને આપી ટિકિટ

બિહાર વિધાનસભા ચૂંટણી માટે જનતા દળ યુનાઇટેડ (JDU)એ પોતાના ઉમેદવારોની બીજી યાદી જાહેર કરી છે. નીતિશ કુમારની પાર્ટીએ બીજી યાદીમાં 44 ઉમેદવારના નામ જાહેર કર્યા છે. આ પહેલા JDUએ પ્રથમ યાદીમાં 57 ઉમેદવારોના નામની જાહેરાત કરી હતી. મહત્ત્વપૂર્ણ છે કે બિહાર વિધાનસભા ચૂંટણીમાં NDAનો ભાગ રહેલા JDU અને ભાજપ સૌથી વધુ 101-101 બેઠક પર ચૂંટણી લડી રહ્યા છે. 

આ પણ વાંચો :

Bihar Election: નીતિશ કુમારે 57 ઉમેદવારોની પહેલી યાદી જાહેર કરી, જાણો કોના પત્તા કપાયા

Bihar Election: ઓવૈસીની પાર્ટીએ 2 પક્ષ સાથે કર્યું ગઠબંધન, 100 બેઠક પર ચૂંટણી લડવાની તૈયારી

JDUએ પ્રથમ યાદીમાં 57 ઉમેદવારના નામ કર્યા હતા જાહેર

નીતિશ કુમારની JDUએ પ્રથમ યાદીમાં 57 ઉમેદવારોના નામ જાહેર કર્યા હતા. મુખ્યમંત્રી નીતિશ કુમારના નેતૃત્વમાં જાહેર થયેલી યાદીમાં ઘણા જૂના ચહેરાઓની સાથે કેટલાક નવા નેતાઓને પણ સ્થાન અપાયું છે. JDUની રણનીતિ મુજબ, પાર્ટીએ સામાજિક સંતુલન અને પ્રાદેશિક સમીકરણોને ધ્યાનમાં રાખીને ટિકિટોનું વિતરણ કર્યું છે.

આ યાદીમાં મંત્રી શ્રવણ કુમાર, વિજય કુમાર ચૌધરી અને મહેશ્વર હજારી સહિત અનેક અગ્રણી નેતાઓના નામનો સમાવેશ થાય છે. જેડીયુ ટિકિટ પર ઉમેદવારી નોંધાવનાર અનંત સિંહનો પણ આ યાદીમાં સમાવેશ થાય છે. 

JDU તરફથી જારી કરાયેલા લીસ્ટમાં પહેલીવાર 4 મહિલા ઉમેદવારોને ટિકિટ આપવામાં આવી હતી. મધેપુરાથી કવિતા શાહા, ગાયઘાટથી કોમલસિંહ, સમસ્તીપુરથી અશ્વમેઘ દેવી, અને વિભૂતિપુરથી રવીના કુશવાહાને ઉતારવામાં આવ્યા છે.