VIDEO: ઓડિશાના કટક શહેરમાં વહેલી સવારે અચાનક ભીષણ આગ ફાટી નીકળી....
છેલ્લું અપડેટ : 02 Jun 2026
સોર્સ : GSTV
ઓડિશાના કટક શહેરમાં આવેલા લિંક રોડ ડેઈલી માર્કેટમાં આજે વહેલી સવારે અચાનક ભીષણ આગ ફાટી નીકળી હતી. જોતજોતામાં આગે વિકરાળ સ્વરૂપ ધારણ કરી લેતા બજારની અનેક દુકાનો તેની ઝપેટમાં આવી ગઈ છે. આગના વિશાળ લપકારા અને આકાશમાં ધુમાડાના કાળા ગોટેગોટા ઉડતા જોઈ શકાય છે, જેના કારણે સ્થાનિક વિસ્તારમાં ભારે અફરાતફરી મચી ગઈ છે. ઘટનાની જાણ થતાં જ ફાયર બ્રિગેડની અનેક ગાડીઓ તાત્કાલિક ઘટનાસ્થળે દોડી ગઈ હતી. બજારનો વિસ્તાર સાંકડો અને ગીચ હોવાના કારણે ફાયર ફાઈટર્સને આગ પર કાબૂ મેળવવામાં ભારે મુશ્કેલીનો સામનો કરવો પડી રહ્યો છે. હાલમાં આગને વધુ ફેલાતી અટકાવવા માટે સેંકડો જવાનો સતત પાણીનો મારો ચલાવી રહ્યા છે. પ્રાથમિક અહેવાલો મુજબ, આ દુર્ઘટનામાં મોટા પાયે આર્થિક નુકસાન થવાની ભીતિ છે
