ટ્રક, ટ્રેક્ટર અને બોલેરો વચ્ચે ભીષણ અથડામણ, 6 લોકોના મોત, અનેક ગંભીર રીતે ઘાયલ

ઝારખંડના બોકારોમાં બોકારો-રામગઢ નેશનલ હાઈવે પર એક માર્ગ અકસ્માતમાં છ લોકોના મોત થયા છે અને અન્ય ત્રણ ઘાયલ થયા છે. હોસ્પિટલમાં દાખલ એક વ્યક્તિની હાલત ગંભીર છે. બોકારોના સામુદાયિક આરોગ્ય કેન્દ્રના મેડિકલ ઓફિસર સ્વીટી ભગતે જણાવ્યું હતું કે પાંચ લોકોને મૃત લાવવામાં આવ્યા હતા.

હાઈવા, ટ્રેક્ટર અને બોલેરો વચ્ચે જોરદાર ટક્કર

મળતી માહિતી મુજબ, આ અકસ્માત કસમાર પોલીસ સ્ટેશન વિસ્તારના દંતુ ગામ પાસે થયો હતો. નેશનલ હાઈવે પર હાઈવા, ટ્રેક્ટર અને બોલેરો વચ્ચે જોરદાર ટક્કર થઈ હતી. જેમાં બોલેરો સવાર અને ટ્રેક્ટર ચાલકનું ઘટના સ્થળે જ મોત નીપજ્યું હતું. જણાવવામાં આવી રહ્યું છે કે બોલેરોમાં સવાર ચાર લોકોના ઘટનાસ્થળે જ મોત થયા હતા. આ અકસ્માતમાં અનેક લોકો ગંભીર રીતે ઘાયલ થયા હતા.

આ પણ વાંચો :બોટાદમાં ખનીજ માફિયા બેફામ, મામલતદાર પર ડમ્પર ચઢાવવાનો કર્યો પ્રયાસ