Video: ખેડા જિલ્લાની ઓઝરાડા મહિલા પંચાયત અંગે વાયરલ થયેલા વીડિયો પાછળ મોટું ષડયંત્ર હોવાનો ગ્રામજનોએ દાવો કર્યો છે.

ખેડા જિલ્લાની એકમાત્ર મહિલા સંચાલિત ઓઝરાડા પંચાયતમાં વાયરલ થયેલા વીડિયો પાછળ મોટું ષડયંત્ર હોવાનો ગ્રામજનોએ ગંભીર આક્ષેપ કર્યો છે .આ ગામમાં મહિલા સરપંચ અને તમામ મહિલા સભ્યો સફળતાપૂર્વક પંચાયત ચલાવે છે અને છેલ્લા ૪૫ વર્ષથી એક જ પરિવાર ગામની સેવા કરી રહ્યો છે, જેમાં આ સમયગાળા દરમિયાન મારામારીની એક પણ ઘટના બની નથી.સર્વેના બહાને આવેલા બે યુવકો પાસે તલાટી કે સરપંચની કોઈ પણ લેખિત પરવાનગી નહોતી અને તેઓ કોઈ પ્રસંગમાંથી આવ્યા હતા.આ યુવકોએ મહિલા સરપંચના સસરા સાથે અસભ્ય વર્તન કરી ગાળો ભાંડી હતી, અને ઘટનાના ૬ દિવસ પછી ફરિયાદ નોંધાવતા સમગ્ર મામલો શંકાસ્પદ જણાય છે.ગ્રામજનોની માંગ છે કે આ ઘટનાની નિષ્પક્ષ તપાસ થાય જેથી સત્ય બહાર આવે.