VIDEO: છોટાઉદેપુર જિલ્લાના બોડેલી પંથકમાં અચાનક વાતાવરણમાં પલટો આવતા ધીમી ધારે વરસાદ શરૂ

છોટાઉદેપુર જિલ્લાના બોડેલી પંથકમાં અચાનક વાતાવરણમાં પલટો આવતા ધીમી ધારે વરસાદ શરૂ થયો હતો. આ વરસાદને કારણે સ્થાનિક રોડ-રસ્તાઓ ભીંજાયા હતા. વાતાવરણમાં અચાનક ઠંડક પ્રસરી જતાં લોકોને કાળઝાળ ગરમીમાંથી કંઈક અંશે રાહત મળી હતી. જોકે, આ વરસાદ માત્ર હળવા ઝાપટા સ્વરૂપે જ વરસ્યો હતો. બોડેલી વિસ્તારના કેટલાક ખેડૂતોએ પોતાના ખેતરોમાં બિયારણ વાવી દીધા છે. પરંતુ આ વરસાદ ખેતી માટે પૂરતો અને વાવણી લાયક ન હોવાથી ખેડૂતોમાં ભારે નારાજગી જોવા મળી રહી છે. હાલ ખેડૂતો પાક બચાવવા અને વાવણી આગળ વધારવા માટે ધોધમાર અને ખેતી લાયક વરસાદની આતુરતાથી રાહ જોઈ રહ્યા છે.