VIDEO: અમદાવાદઃ લખનઉમાં આગની ઘટના બાદ અમદાવાદ ફાયર વિભાગ એક્શનમાં

ઉત્તર પ્રદેશના લખનઉમાં આવેલા ક્લાસીસમાં તાજેતરમાં લાગેલી ભયાનક આગની ઘટના બાદ અમદાવાદ ફાયર બ્રિગેડ તંત્ર સંપૂર્ણપણે એલર્ટ થઈ ગયું છે. ભવિષ્યમાં આવી કોઈ મોટી હોનારત ન સર્જાય તે માટે ફાયર વિભાગ દ્વારા અમદાવાદના વિવિધ ટ્યુશન અને કોમર્શિયલ ક્લાસીસમાં સઘન ચેકિંગ હાથ ધરવામાં આવ્યું છે. આ ઝુંબેશ અંતર્ગત બોડકદેવ ફાયર સ્ટેશનની ટીમ દ્વારા વસ્ત્રાપુર વિસ્તારમાં આવેલા પ્રતિષ્ઠિત એમોર ડિઝાઇન ઇન્સ્ટિટ્યૂટ ખાતે આકસ્મિક તપાસ કરવામાં આવી હતી. આ ચેકિંગ દરમિયાન શૈક્ષણિક સંસ્થાઓમાં ફાયર સેફ્ટીના સાધનોની ઉપલબ્ધિ, NOC અને કટોકટીના સમયે બહાર નીકળવાના માર્ગોની ચકાસણી કરીને નિયમોનું ચુસ્ત પાલન કરવા કડક સૂચનાઓ આપવામાં આવી રહી છે.