Video: વલસાડના રાજનનગર વિસ્તારમાં ચાર મકાનોમાં તસ્કરોનો આતંક, 20 લાખની ચોરીના સીસીટીવી ફૂટેજ આવ્યા સામે

વલસાડના રાજનનગર વિસ્તારમાં એકસાથે ચાર બંધ મકાનોના તાળાં તોડીને તસ્કરો આશરે 20 લાખ રૂપિયાની મત્તા ચોરી કરી ફરાર થઈ ગયા છે, જેની ઘટના નજીકમાં લાગેલા સીસીટીવી કેમેરામાં સ્પષ્ટપણે કેદ થઈ ગઈ છે. સામે આવેલા ફૂટેજમાં મોઢે બુકાની બાંધેલા ચોરો અંધારામાં શંકાસ્પદ હાલતમાં ફરી રહ્યા હોવાનું જોવા મળે છે અને તેઓ રેલવે ટ્રેક તરફથી આવ્યા હોવાની પ્રબળ શંકા વ્યક્ત કરવામાં આવી રહી છે. આ બનાવને પગલે સમગ્ર વિસ્તારમાં ભયનો માહોલ છવાઈ ગયો છે અને સ્થાનિક લોકોમાં સુરક્ષા સામે સવાલો ઉઠી રહ્યા છે. ઘટનાની જાણ થતાં જ પોલીસ કાફલો ઘટનાસ્થળે દોડી આવ્યો હતો અને સીસીટીવી ફૂટેજના આધારે ફરાર ચોરોને ઝડપી પાડવા માટેના ચક્રો ગતિમાન કર્યા છે.
જાહેરાત








