VIDEO: વડોદરામાં આયોજનના અભાવે નિર્માણાધીન શાળાનું કામ અટક્યું

વડોદરા મહાનગરપાલિકાના આયોજન સામે ફરી સવાલો ઊભા થયા છે, કારણ કે ગોત્રીમાં ડૉ. સર્વપલ્લી રાધાકૃષ્ણ શાળાના નવા મકાનનું બાંધકામ માત્ર ચાર મહિનામાં જ અટકાવી દેવાયું છે. યશ કોમ્પ્લેક્સથી નવલકાપુરી સુધીના પ્રસ્તાવિત બ્રિજ અને રોડ લાઇનમાં આ શાળાનું મકાન નડતરરૂપ બનવાની શક્યતા સર્જાતા ટાઉન પ્લાનિંગ વિભાગે કામ રોકવાની સૂચના આપી છે. વિપક્ષે આને વિવિધ વિભાગો વચ્ચેના સંકલનનો અભાવ અને આયોજન વિનાની કામગીરી ગણાવી છે. જોકે, શિક્ષણ સમિતિના પૂર્વ અધ્યક્ષે ખાતરી આપી છે કે બાળકોના હિતને પ્રાથમિકતા આપીને તમામ જરૂરી પ્રક્રિયા પૂર્ણ કર્યા બાદ કામગીરી ફરીથી શરૂ કરવામાં આવશે.