Vadodara news: સાવલીના આસોજમાં નકલી નોટ છાપવાનું રેકેટ ઝડપાયું, પોલીસે બે શખ્સોની કરી ધરપકડ
છેલ્લું અપડેટ : 24 Feb 2026
સોર્સ : GSTV
વડોદરાના સાવલી તાલુકાના આસોજ ગામની સીમમાં ખેતરના મકાનમાં ચાલતા નકલી નોટ છાપવાના રેકેટનો પોલીસે પર્દાફાશ કર્યો છે, મળતા અહેવાલ પ્રમાણે ગ્રામ્ય પોલીસને પાડી બે પરપ્રાંતીય શખ્સોને ઝડપી પાડ્યા છે. નરેન્દ્ર પાલ અને હેમંત ઝાંગીડ નામના આ ભેજાબાજો કલર પ્રિન્ટર દ્વારા નકલી નોટો છાપી રવિવારની બજારમાં ભીડનો લાભ લઈ વેપારીઓને પધરાવી દેતા હતા.
પોલીસે મકાનમાંથી હજારોની નકલી નોટો અને પ્રિન્ટર જપ્ત કરી
પોલીસે મકાનમાંથી હજારોની નકલી નોટો અને પ્રિન્ટર જપ્ત કરી વધુ તપાસ હાથ ધરી છે કે આ નેટવર્ક કેટલા સમયથી કાર્યરત હતું અને અન્ય કેટલા લોકો આ કૌભાંડમાં સંડોવાયેલા છે.