VIDEO:ભરૂચમાં ‘તાલીબાની ફતવો’! ભ્રષ્ટાચારનો વિરોધ કરનાર મહિલા સદસ્યનો સામાજિક બહિષ્કાર

ભરૂચના કવિઠા ગામે મહિલા સશક્તિકરણના દાવાઓ વચ્ચે માનવતાને શર્મસાર કરતી ઘટના સામે આવી છે. ગ્રામ પંચાયતના વિકાસ કાર્યોમાં ભ્રષ્ટાચારનો વિરોધ કરનાર મહિલા સદસ્ય હેતલબેન મયુરસિંહ રાજ અને તેમના પરિવારને ગામમાં સામાજિક બહિષ્કારનો સામનો કરવો પડી રહ્યો છે. આ તાલીબાની ફતવા પાછળ જિલ્લા પંચાયતના સભ્ય યતીન પટેલનું નામ મુખ્ય સૂત્રધાર તરીકે સામે આવ્યું છે, જેમના વીડિયો સોશિયલ મીડિયા પર વાયરલ થયા છે. વીડિયોમાં તેઓ પરિવાર સાથે સંબંધ રાખનાર અન્ય ગ્રામજનોને પણ બહિષ્કારની ધમકી આપતા જોવા મળે છે. આ ગંભીર મામલે કોંગ્રેસના પ્રદેશ મહામંત્રી સંદીપ માંગરોલાએ આરોપીઓ સામે ગુનો નોંધી નિષ્પક્ષ તપાસની માંગ કરી છે. લોકશાહીમાં સત્યનો અવાજ દબાવવાની આ ઘટના સમગ્ર પંથકમાં ચર્ચાનો વિષય બની છે.