Surat news: 1550 કરોડના ઇન્ટરનેશનલ સાયબર ફ્રોડ કેસમાં ઉધના પોલીસની કાર્યવાહી, મુખ્ય સૂત્રધાર સહિત વધુ 4 આરોપીઓ ઝડપાયા

સુરતમાં ઉધના પોલીસ સ્ટેશનમાં નોંધાયેલા રૂપિયા 1550 કરોડના ઇન્ટરનેશનલ સાયબર ફ્રોડના મામલામાં ઉધના પોલીસે વધુ ચાર આરોપીઓને ઝડપી પાડ્યા છે. પોલીસે અબ્દુલરબ ચામડીયા, અમિત ચોક્સી, ચિરાગ ઉર્ફે ચાર્લી સુતરીયા અને પ્રવિણ ગઢીયાને ધરપકડ કરી છે. આરોપીઓ પાસેથી કુલ રૂપિયા 2.60 કરોડથી વધુનો મુદ્દામાલ જપ્ત કરવામાં આવ્યો છે.

તપાસમાં ખુલ્યું છે કે પકડાયેલા આરોપી અબ્દુલરબ ચામડીયા આ સમગ્ર કૌભાંડનો મુખ્ય સૂત્રધાર છે. અગાઉ ઉધના પોલીસે આ કેસમાં 15 આરોપીઓની ધરપકડ કરી હતી અને તપાસ દરમિયાન સામે આવ્યું હતું કે આરોપીઓ યુએસડીટી મારફતે પૈસાનો વ્યવહાર કરતા હતા. જેમાંથી મળતો નફો મુખ્ય આરોપી અબ્દુલરબને આપવામાં આવતો હતો. હાલ સમગ્ર મામલે હાલ તો આરોપીઓને ઝડપી વધુ તપાસ હાથ ધરી છે.