VIDEO: સુરતના સીમાડાનાકા BRTS બસ સ્ટેશન આવ્યું વિવાદમાં, જાણો શું છે સમગ્ર મામલો
છેલ્લું અપડેટ : 10 Nov 2025
સોર્સ : gstv
સુરત મહાનગરપાલિકાની સિટીલિંક બસ સેવા ફરી એકવાર વિવાદમાં આવી છે. સીમાડાનાકા BRTS સ્ટેશન પરથી ટિકિટ ચોરીનો નવો કિસ્સો બહાર આવતા ડ્રાઈવર અને કંડક્ટરની મિલીભગતની ગેરરીતિઓ ખુલ્લી પડી છે.
સોશિયલ મીડિયા પર એક વીડિયો વાયરલ થયો
સોશિયલ મીડિયા પર વાયરલ થયેલા વીડિયોમાં જોવા મળે છે કે અનેક મુસાફરો પાસેથી ભાડું લેવામાં આવે છે, પરંતુ ટિકિટ આપવામાં આવતી નથી. “મશીન બંધ છે” અથવા “આગળ ઉતરશો ત્યારે કાપી લેશું” જેવા બહાનાં બનાવી વસૂલાત થતી હોવાનું સામે આવ્યું છે.
SMC દ્વારા તપાસના આદેશ આપ્યા
ઘટના પ્રકાશમાં આવતાં SMC દ્વારા તપાસના આદેશ આપ્યા છે. ટ્રાન્સપોર્ટ કમિટી ચેરમેન સોમનાથ મરાઠેએ કડક કાર્યવાહી કરવાની જાહેરાત કરી છે અને સંબંધિત એજન્સીને નોટિસ ફટકારવામાં આવી છે.
