VIDEO: સુરત બ્રેકિંગ: રઘુકુળ ગરનાળું પાણીમાં ગરકાવ, પ્રી-મોન્સૂન કામગીરીના દાવાઓનું પાણી

સુરત શહેરમાં આજે અતિભારે વરસાદના કારણે અનેક વિસ્તારોમાં જળબંબાકાર જેવી સ્થિતિ સર્જાઈ છે. ખાસ કરીને રઘુકુળ ગરનાળામાં પાણી ભરાઈ જતાં તે સંપૂર્ણપણે ગરકાવ થઈ ગયું છે. રસ્તાઓ પર ઘૂંટણસમા પાણી ભરાઈ જવાથી વાહનચાલકોની મુશ્કેલીમાં ધરખમ વધારો થયો છે અને અનેક વાહનો પાણીમાં ડૂબી જતાં બંધ પડી ગયા છે. આ ગંભીર પરિસ્થિતિને કારણે લોકોમાં તંત્ર વિરુદ્ધ ભારે રોષ જોવા મળી રહ્યો છે. ચોમાસું શરૂ થાય તે પહેલાં કરવામાં આવેલા પ્રી-મોન્સૂન કામગીરીના તમામ દાવાઓ આ વરસાદમાં પોકળ સાબિત થયા છે. યોગ્ય આયોજનના અભાવે સુરતીઓ હાલાકી ભોગવી રહ્યા છે અને હવે આ સમસ્યાનો કાયમી ઉકેલ લાવવા માટે સ્થાનિકો દ્વારા તંત્ર સામે ઉગ્ર માંગ કરવામાં આવી રહી છે.