Surat news: થર્ટી ફર્સ્ટની ઉજવણી દરમિયાન પોલીસની લાલ આંખ, ૩૦૦થી વધુ લોકો નશાની હાલતમાં ઝડપાયા

સુરત શહેરમાં થર્ટી ફર્સ્ટની ઉજવણી દરમિયાન નબીરાઓ પર પોલીસે લાલ આંખ કરી છે. વાહન ચેકિંગ દરમિયાન બ્રેથ એનાલાઈઝરની તપાસમાં ૩૦૦થી વધુ લોકો નશાની હાલતમાં ઝડપાયા છે. પોલીસે પકડેલા તમામ આરોપીઓને તાત્કાલિક સુરત સિવિલ હોસ્પિટલ ખાતે ખસેડ્યા હતા, જ્યાં તેમના લોહીના નમૂના લઈ મેડિકલ પ્રક્રિયા પૂર્ણ કરવામાં આવી હતી. શહેરના અલગ-અલગ પોલીસ મથકોમાં આ તમામ શખ્સો વિરુદ્ધ દારૂબંધીના કાયદા હેઠળ ગુના નોંધી કાયદેસરની કાર્યવાહી હાથ ધરાઈ છે.