VIDEO: સુરતના અડાજણ વિસ્તારમાં આવેલા ગાર્ડનિયા રો હાઉસમાં પાર્કિંગ બાબતે ભીષણ મારામારી

સુરતના અડાજણ વિસ્તારમાં આવેલા પોશ ગાર્ડનિયા રો હાઉસ સોસાયટીમાં મારામારીની એક ચોંકાવનારી ઘટના સામે આવી છે. પ્રાથમિક અનુમાન મુજબ વાહન પાર્ક કરવા જેવી સામાન્ય બાબતને લઈને બોલાચાલી બાદ મામલો ઉગ્ર બન્યો હતો અને સામસામે મારામારી થઈ હતી. આ સમગ્ર ઘટનાનો લાઈવ વિડિયો સોશિયલ મીડિયા પર ખૂબ જ ઝડપથી વાયરલ થઈ રહ્યો છે, જેમાં ઉત્તેજિત લોકો એકબીજા સાથે ઝઘડતા નજરે પડી રહ્યા છે. આ અચાનક બનેલી હિંસક ઘટનાને કારણે શાંત ગણાતા રો હાઉસના રહેવાસીઓમાં ભારે ભય અને ચિંતાનો માહોલ છવાઈ ગયો છે. સ્થાનિક લોકોમાં આ પ્રકારની વધતી જતી અસામાજિક પ્રવૃત્તિઓ સામે રોષ જોવા મળી રહ્યો છે અને પોલીસ દ્વારા કડક કાર્યવાહીની માંગ કરાઈ છે.