Surat News: વરાછામાં વર્ષો જૂનું મકાન ધડાકાભેર ખાબક્યું, આસપાસમાં ફેલાયો ડરનો માહોલ
છેલ્લું અપડેટ : 06 May 2025
સુરતના વરાછા વિસ્તારમાં આવેલ વર્ષા વિભાગ-1માં આજે વહેલી સવારે એક જૂનવાણી અને જર્જરિત મકાન અચાનક ધરાશાય ગયું હતું. અવાજ સાંભળીને આસપાસના રહેવાસીઓ દોડી આવ્યા હતા. સ્થળ ઉપર ભય અને ગભરાટનો માહોલ જોવા મળ્યો હતો. સદનસીબે મકાન ધરાશાય ત્યારે અંદર કોઈ હાજર ન હતું, જેના કારણે કોઈ જાનહાનિ થઈ નથી.
નોટિસ અપાઈ હતી
મકાન ધરાશાય ગયું તે વર્ષોથી જર્જરિત હાલતમાં હતું. વિસ્તારના રહીશોએ ઘણી વાર મકાનની હાલત અંગે મકાનમાલિકને નોટિસ આપી હતી. તેઓએ લખિત અને મૌખિક રીતે મકાન અસુરક્ષિત હોવાની રજૂઆત પણ કરી હતી, પરંતુ મકાનમાલિકે કોઈ પગલાં નહતા લીધાં. પરિણામે, આજે સવારે મકાન ધરાશાય ગયું. ઘટનાની જાણ થતા વરાછા પોલીસ અને ફાયર બ્રિગેડની ટીમ ઘટનાસ્થળે પહોંચી હતી. ટીમે તત્કાલ વિસ્તાર ખાલી કરાવ્યો અને કાટમાળના અવશેષોની તપાસ શરૂ કરી. પ્રાથમિક તપાસમાં જાણવા મળ્યું છે કે મકાનમાં કેટલીક સામગ્રી અંદર ફસાઈ ગઈ હતી, જેને બચાવ ટીમે સુરક્ષિત રીતે બહાર કાઢવાનો પ્રયાસ કર્યો.
યોગ્ય પગલાં લેવાય તે જરૂરી
આસપાસના રહીશોમાં ભારે રોષ વ્યાપી ગયો છે. સ્થાનિકોએ મકાનમાલિક વિરુદ્ધ કડક કાર્યવાહી કરવાની માંગ ઉઠાવી છે. તેમનું કહેવું છે કે જો યોગ્ય સમયે પગલાં લેવામાં આવ્યા હોત તો આ ઘટના ટાળી શકાતી. મ્યુનિસિપલ કોર્પોરેશનના બિલ્ડિંગ વિભાગના અધિકારીઓએ પણ સ્થળ પર મુલાકાત કરી છે અને મકાન ધરાશાયની પૂર્ણ તપાસ કરવાનો આશ્વાસન આપ્યો છે. સાથે જ, જે જે જર્જરિત મકાનો વિસ્તારમાં છે, તેનું તાત્કાલિક સર્વે કરવાનો પણ વિચાર ચાલી રહ્યો છે.ભવિષ્યમાં આવી દુર્ઘટનાઓ ન બને તે માટે શહેરના તમામ જૂના અને જર્જરિત મકાનોની ત્વરિત ચકાસણી અને યોગ્ય પગલાં જરૂરી છે.
