Video: ઘાસચારાની અછત: છોટાઉદેપુરમાં 300 પશુઓ સાથે ભટકી રહ્યા છે ખેડાના માલધારીઓ
ખેડા જિલ્લાના ડાકોર તાલુકાના વારસડા ગામના માલધારીઓ ઓછા વરસાદને કારણે ઘાસચારાની અછત સર્જાતા પોતાના 30થી વધુ પરિવારજનો અને 300 જેટલાં પશુઓ સાથે છોટાઉદેપુર જિલ્લાના બોડેલી, નસવાડી અને સંખેડા તાલુકામાં ભટકી રહ્યા છે. પશુધનને બચાવવા માટે આ પરિવારોએ વતન છોડવું પડ્યું છે. માલધારીઓએ જણાવ્યું કે પશુઓને ચરાવવા માટે તેમને દરરોજ 30 થી 40 કિલોમીટર પગપાળા ચાલીને ખુલ્લામાં રાત વિતાવવી પડે છે. સરકારી દાવાઓ છતાં તેમને કોઈ મદદ મળી નથી અને સ્થાનિક સ્તરે પણ અનેક મુશ્કેલીઓનો સામનો કરવો પડી રહ્યો છે. કેનાલના નીચાણવાળા વિસ્તારોમાં પશુઓને ખવડાવીને ગુજરાન ચલાવતા આ પશુપાલકો સરકારી સહાયની રાહ જોઈ રહ્યા છે.
