Video: સાબરકાંઠામાં વિજયાદશમી પર્વ નિમિત્તે પોલીસ પરેડ ગ્રાઉન્ડમાં યોજાયું શાસ્ત્રોક્ત શસ્ત્ર પૂજન

સાબરકાંઠા જિલ્લાના પોલીસ પરેડ ગ્રાઉન્ડમાં વિજયાદશમીના પવિત્ર પર્વ નિમિત્તે પરંપરાગત અને શાસ્ત્રોક્ત વિધિથી શસ્ત્ર પૂજન કરવામાં આવ્યું હતું. જિલ્લા પોલીસવડા ડૉ. પાર્થરાજસિંહ ગોહિલના હસ્તે આ ધાર્મિક કાર્યક્રમ સંપન્ન થયો હતો, જેમાં પોલીસ બેડામાં વપરાતા આધુનિક શસ્ત્રો, રાઇફલો, રિવોલ્વર તેમજ સરકારી વાહનો અને અશ્વદળનું વૈદિક મંત્રોચ્ચાર સાથે પૂજન-અર્ચન કરાયું હતું....આ પ્રસંગે ડૉ. ગોહિલે જિલ્લામાં શાંતિ, સુરક્ષા અને કાયદો-વ્યવસ્થાની જાળવણી માટે પોલીસ વિભાગની કટિબદ્ધતા દોહરાવી હતી. આ ગરિમાપૂર્ણ કાર્યક્રમમાં જિલ્લાના ઉચ્ચ પોલીસ અધિકારીઓ, પોલીસ કર્મચારીઓ તેમજ તેમના પરિવારો મોટી સંખ્યામાં ઉપસ્થિત રહીને ઉત્સાહભેર જોડાયા હતા.