Video: રાજકોટ સહિત રાજ્યભરની જેલને બોમ્બથી ઉડાવી દેવાની ધમકી

રાજકોટ સહિત રાજ્યભરની જેલોને બોમ્બથી ઉડાવી દેવાની ગંભીર ધમકી મળતા પોલીસ તંત્રમાં ભારે દોડધામ મચી ગઈ છે. પોપટપરા વિસ્તારમાં આવેલી રાજકોટ મધ્યસ્થ જેલને ઉડાવી દેવાની આ ધમકી ડીજીપી ઓફિસને મળેલા એક ઈ-મેઈલ દ્વારા મળી હતી. આ ઈ-મેઈલમાં "પાકિસ્તાન ઝિંદાબાદ" અને "ખાલિસ્તાન ઝિંદાબાદ"ના નારા લખવાની સાથે "૨૦૦૮ને ભૂલશો નહીં, મોટું સરપ્રાઈઝ આપવામાં આવશે, વેઈટ એન્ડ વોચ" તેવો ભયજનક ઉલ્લેખ પણ કરવામાં આવ્યો છે. ધમકી મળતા જ સ્થાનિક પોલીસ અને સુરક્ષા એજન્સીઓ તરત જ હરકતમાં આવી ગઈ છે અને જેલ પરિસરમાં સઘન તપાસ હાથ ધરીને સાવચેતીના પગલાં લેવામાં આવ્યા છે.