VIDEO: રાજકોટમાં પિતા-પુત્ર પર છરી-લાકડીથી જીવલેણ હુમલો
છેલ્લું અપડેટ : 08 Jul 2026
સોર્સ : gstv
રાજકોટના મોચીબજાર વિસ્તારમાં આવેલા ખાટકીવાડમાં જૂની અદાવતને લઈને પિતા-પુત્ર પર જીવલેણ હુમલાની ઘટના સામે આવી છે. નોન-વેજના વેપારી ફારુક ચૌહાણ અને તેમના પુત્ર પર લાકડી અને છરી વડે હુમલો કરવામાં આવ્યો હતો. હુમલામાં ફારુક ચૌહાણને ગંભીર ઇજાઓ પહોંચતા તેમને તાત્કાલિક સારવાર માટે હોસ્પિટલમાં ખસેડવામાં આવ્યા હતા. સમગ્ર ઘટનાના CCTV ફૂટેજ પણ સામે આવ્યા છે, જેમાં હુમલાખોરોની હરકતો કેદ થઈ હોવાનું સામે આવ્યું છે. આ મામલે મહેબુબ ઉર્ફે મુકુ, મહેબુબ હાસમ, આફતાબ યુસૂફ અને જાફર યુસૂફ સામે એ-ડિવિઝન પોલીસ સ્ટેશનમાં ફરિયાદ નોંધાઈ છે. પોલીસે ગુનો નોંધી CCTV સહિતના પુરાવાના આધારે વધુ તપાસ હાથ ધરી છે.
