Video: બોટાદમાં કોંગ્રેસ દ્વારા 'વોટ બચાવો, દેશ બચાવો' અંતર્ગત પ્રેસ કોન્ફરન્સ

બોટાદ જિલ્લા કોંગ્રેસ સમિતિ કાર્યાલય ખાતે 'વોટ બચાવો, દેશ બચાવો' અભિયાન અંતર્ગત એક મહત્વપૂર્ણ પ્રેસ કોન્ફરન્સ અને સંગઠનાત્મક બેઠકનું આયોજન કરવામાં આવ્યું હતું. આ પ્રસંગે સૌરાષ્ટ્ર ઝોનના પ્રભારી સુખદેવ પાનસે વિશેષ ઉપસ્થિત રહ્યા હતા. તેમણે હાજર કાર્યકર્તાઓને સંબોધતા જણાવ્યું કે રાજ્યમાં ભાજપ સરકાર સામે મોંઘવારી, બેરોજગારી અને નીટ પરીક્ષા જેવા મુદ્દાઓને લઈને ભારે અસંતોષ છે. બોટાદ જિલ્લા કોંગ્રેસ અધ્યક્ષ હિંમતભાઈ કટારીયા અને મહિલા મોરચા અધ્યક્ષ ગીતાબેન પરમાર સહિતના આગેવાનોની હાજરીમાં ગ્રામીણ અને બૂથ સ્તરે કોંગ્રેસ સંગઠન વધુ મજબૂત બની રહ્યું હોવાનો દાવો કરાયો હતો. આ બેઠકથી સ્થાનિક કાર્યકર્તાઓમાં નવો ઉત્સાહ જોવા મળ્યો છે.