Video: નસવાડી એકલવ્ય તિરંદાજી એકેડમીમાં દશેરા પર ખેલાડીઓએ કર્યા ધનુષ-બાણના પૂજન-અર્ચન

છોટાઉદેપુર જિલ્લાના નસવાડી ખાતે આવેલી એકલવ્ય તિરંદાજી એકેડમીમાં દશેરાના પવિત્ર પર્વે અનોખી રીતે ઉજવણી કરવામાં આવી હતી. એકેડમીના અંદાજે 48 જેટલા ખેલાડીઓએ દશેરા નિમિત્તે શસ્ત્રોની જગ્યાએ પોતાના રમતનાં સાધનો એટલે કે ધનુષ અને બાણની પૂજા-અર્ચના કરી હતી. ખેલાડીઓએ ભગવાન પાસે પ્રાર્થના કરી હતી કે વર્ષ દરમિયાન પ્રેક્ટિસ અને રમત વખતે કોઈને ઈજા ન થાય તેમજ તમામ ખેલાડીઓ સુરક્ષિત રહીને આગળ વધે. આ ઉપરાંત, એકેડમીના આર્ચર્સ રાજ્ય અને રાષ્ટ્રીય કક્ષાની વિવિધ સ્પર્ધાઓમાં ઉત્કૃષ્ટ પ્રદર્શન કરીને વધુમાં વધુ મેડલ જીતે અને દેશનું નામ રોશન કરે તેવી પણ કામના કરવામાં આવી હતી. પૂર્વમાં પણ અનેક મેડલ જીતી ચુકેલા આ ખેલાડીઓએ સફળતા અને ઉજ્જવળ ભવિષ્ય માટે આ ખાસ શસ્ત્રપૂજન કર્યું હતું.