Video: શાળા પ્રવેશ પર પ્રતિબંધનો વિરોધ: પરિપત્ર રદ કરવા મુખ્યમંત્રી અને શિક્ષણમંત્રીને રજૂઆત

ગુજરાત સરકારના શિક્ષણ વિભાગ દ્વારા શાળાના પરિસરમાં પ્રવેશને લઈને કરવામાં આવેલા પરિપત્ર સામે અમરેલીમાં વિરોધ શરૂ થયો છે. વિદ્યાર્થી આગેવાન અને એડવોકેટ કેતન ખુમાણે મુખ્યમંત્રી તથા શિક્ષણ મંત્રીને પત્ર લખીને આ પરિપત્ર તુરંત રદ કરવાની માંગ કરી છે. તેમનું માનવું છે કે શાળાઓમાં વાલીઓ અને જાગૃત નાગરિકોના પ્રવેશ પર નિયંત્રણ મૂકવાથી શિક્ષણ વ્યવસ્થામાં પારદર્શિતા જોખમાઈ શકે છે. આનાથી મધ્યાહ્ન ભોજન યોજનાની અનિયમિતતાઓ અને શૈક્ષણિક ખામીઓ છાની રહેવાની આશંકા છે. આ વિવાદ વચ્ચે વાલીઓમાં પણ ભારોભાર રોષ જોવા મળી રહ્યો છે, ત્યારે પારદર્શિતા અને સુરક્ષા વચ્ચે તંત્ર કેવું સંતુલન સાધે છે તેના પર સૌની નજર છે.