વેલેન્ટાઇન ડે પર વાહન ખરીદીનો વધ્યો ટ્રેન્ડ, શો રૂમમાંથી 125 ગ્રાહકોએ એક સાથે લીધી ડિલિવરી

દશેરા-દિવાળી જ નહીં હવે વેલેન્ટાઈન ડે પર પણ નવા વાહનોની ખરીદીનો ક્રેઝ જોવા મળી રહ્યો છે. સુરતમાં સુઝુકી દ્વારા લોન્ચ કરવામાં આવેલી સુઝુકી એક્સેસ ૧૨૫ની એક સાથે ૧૨૫ ગ્રાહકોએ ડિલિવરી લીધી હતી. જેનું રિ બાઉન્સ ખાતે એક ભવ્ય કાર્યક્રમનું આયોજન કરવામાં આવ્યું હતું. 

વેલેન્ટાઇન ડે પર ખાસ ઓફર મૂકવામાં આવી હતી કે પ્રથમ ૧૨૫ ગ્રાહકો જે સુઝુકી ૧૨૫ની ખરીદી કરશે તેઓને ચાંદીના સિક્કા ગિફ્ટમાં આપવામાં આવ્યા હતા. ત્યારે વેલેન્ટાઇન ડેના દિવસે સુરતમાં સુઝુકીના ડીલરો રાજેશ શાહ,  ધર્મેશ શાહ, નયન ઇન્ટવાળા, સુમિત જૈન અને દીપક ગઢિયા તથા જોય ઠક્કર  એરિયા મેનેજર સુઝુકી મોટર સાઇકલ દ્વારા રિ બાઉન્સ ખાતે કાર્યક્રમનું આયોજન કરવામાં આવ્યું હતું. જેમાં 300 થી વધુ લોકોએ ભાગ લીધો હતો. આ કાર્યક્રમમાં તમામ ડીલર દ્વારા 125 ગ્રાહકોને સુઝુકી 125ની ડિલિવરી આપવામાં આવી હતી સાથે જ તમામને ચાંદીના સિક્કા ગિફ્ટ આપવામાં આવ્યા હતા. આ ઉપરાંત વિવિધ ગેમ્સ રમાડી ભવ્ય ઉજવણી કરવામાં આવી હતી.