VIDEO: બોપલમાં આધુનિક મલ્ટી સ્પેશિયાલિટી ક્લિનિક શરૂ

વર્તમાન સમયમાં અમદાવાદના બોપલ વિસ્તારમાં એક જાણીતી ખાનગી હોસ્પિટલ દ્વારા આધુનિક મલ્ટી સ્પેશિયાલિટી ક્લિનિક શરૂ કરાયું છે. નેશનલ ડૉક્ટર્સ ડે નિમિત્તે લોન્ચ થયેલું આ ક્લિનિક વિસ્તારમાં એડવાન્સ્ડ હેલ્થકેર સેવાઓનો વિસ્તાર કરશે.આજની આધુનિક લાઈફસ્ટાઈલને કારણે ડાયાબિટીસ અને બ્લડપ્રેશર જેવા જીવનશૈલી આધારિત રોગો ઝડપથી વધી રહ્યા છે. નિષ્ણાત ડૉક્ટરોના જણાવ્યા મુજબ, હૃદય રોગના 40% દર્દીઓ ડાયાબિટીસથી પીડિત હોય છે, જ્યારે 60 વર્ષથી વધુ ઉંમરના 60% વડીલો પણ આ બીમારીનો શિકાર બનેલા છે. આવી પરિસ્થિતિમાં ગંભીર બીમારીઓથી બચવા અને સ્વાસ્થ્ય જાળવવા માટે સમયાંતરે નિયમિત મેડિકલ ચેકઅપ કરાવવું અત્યંત અનિવાર્ય બન્યું છે. મલ્ટી સ્પેશિયાલિટી ક્લિનિક્સ આ જરૂરિયાત પૂરી પાડે છે.