VIDEO: મહેસાણાના સતલાસણામાં પશુપાલકોનો આક્રોશ, ડેરીની દાદાગીરી સામે રસ્તા પર દૂધ ઢોળી વિરોધ
છેલ્લું અપડેટ : 19 Jun 2026
સોર્સ : GSTV
મહેસાણા જિલ્લાના સતલાસણા તાલુકાના ભાણવાસ ગામે પશુપાલકોએ દૂધ ડેરી સામે ઉગ્ર વિરોધ નોંધાવ્યો છે. સ્થાનિક દૂધ ડેરી દ્વારા છેલ્લા ચાર દિવસથી 300થી 400 લીટર દૂધ સ્વીકારવામાં ન આવતા પશુપાલકોમાં ભારે રોષ ફેલાયો છે. વિરોધ સ્વરૂપે પશુપાલકોએ ડેરી આગળ રસ્તા પર દૂધ ઢોળીને પોતાની નારાજગી વ્યક્ત કરી હતી. પશુપાલકોનો આક્ષેપ છે કે ડેરીના વહીવટમાં મનમાની ચાલી રહી છે અને છેલ્લા 40 વર્ષથી પ્રમુખ તથા સભાસદોમાં કોઈ ફેરફાર થયો નથી. મિટિંગમાં રજૂઆત કરનાર પશુપાલકો સાથે ગેરવર્તન કરવામાં આવ્યું હોવાના પણ આક્ષેપ થયા છે. સમગ્ર મામલે તંત્ર પાસે તાત્કાલિક કાર્યવાહી કરવાની માંગ ઉઠી છે.
