VIDEO:ઉત્તરવહીઓ તપાસ્યા વગર જ વિદ્યાર્થીઓને એકસરખા માર્ક્સ!

પાટણ સ્થિત હેમચંદ્રાચાર્ય ઉત્તર ગુજરાત યુનિવર્સિટી સંલગ્ન મહેસાણા જિલ્લાની સતલાસણા તાલુકાની એક ગ્રાન્ટેડ કોલેજની ગંભીર બેદરકારી પ્રકાશમાં આવી છે. આ કોલેજના એક પ્રોફેસરે એમ.એ. સેમેસ્ટર3 સોશિયોલોજી વિષયની ઉત્તરવહીઓ તપાસ્યા વગર જ તમામ વિદ્યાર્થીઓને એકસરખા માર્કસ આપી દેવાનું કારસ્તાન આચર્યું હોવાનું સામે આવ્યું છે. આ મામલે યુનિવર્સિટી તંત્ર દ્વારા કડક વલણ અપનાવીને કોલેજને કારણદર્શક નોટિસ પાઠવવામાં આવી છે અને 30 દિવસની અંદર આ ગંભીર બેદરકારી અંગે સવિસ્તાર અહેવાલ રજૂ કરવા આદેશ આપવામાં આવ્યો છે.