VIDEO: ખેડાના ડભાલી દૂધ મંડળીમાં રૂ. 3.40 લાખની ઉચાપતનો પર્દાફાશ
છેલ્લું અપડેટ : 25 Jun 2026
સોર્સ : GSTV
ખેડા જિલ્લાના ગળતેશ્વર તાલુકાના ડભાલી ગામની દૂધ ઉત્પાદક સહકારી મંડળીમાં રૂ. 3.40 લાખથી વધુની નાણાકીય ઉચાપતનો મામલો સામે આવ્યો છે. વર્ષ 2024-25ના ઓડિટ દરમિયાન તત્કાલીન સેક્રેટરી મગન પ્રભાત ભોઈએ મંડળીના નાણાં અંગત ઉપયોગમાં વાપર્યા હોવાનો અને ખોટા વાઉચરો બનાવી ગેરરીતિ આચરી હોવાનો ખુલાસો થયો છે. તપાસમાં મંડળીના ચેરમેન અને કમિટી સભ્યોની ગંભીર બેદરકારી પણ સામે આવી છે. નડિયાદ જિલ્લા રજિસ્ટ્રારના આદેશ બાદ મદદનીશ સહકારી અધિકારી રાજેશ બારોટે સેવાલીયા પોલીસ મથકે ફરિયાદ નોંધાવી છે. પોલીસે સેક્રેટરી સહિત સંબંધિત કમિટી સભ્યો સામે ગુનો દાખલ કરી વધુ તપાસ શરૂ કરી છે.
