Kheda-Ahmedabad હાઈવે પર ટેમ્પો-બાઈક વચ્ચે અકસ્માત, પિતા અને બે માસૂમ પુત્રોના મોત
છેલ્લું અપડેટ : 29 Mar 2026
ખેડા-અમદાવાદ હાઈવે પર આજે(29 માર્ચ) એક ગમખ્વાર અકસ્માતની ઘટના સામે આવી છે. વડાલા પાસે સર્જાયેલા આ ભીષણ અકસ્માતમાં એક જ પરિવારના ત્રણ લોકોના કરુણ મોત નીપજતા પંથકમાં અરેરાટી વ્યાપી ગઈ છે. પૂરપાટ ઝડપે આવી રહેલા એક ટેમ્પો અને બાઈક વચ્ચે થયેલી જોરદાર ટક્કરમાં પિતા અને તેમના બે માસૂમ પુત્રોએ જીવ ગુમાવ્યા છે.
ટેમ્પો અને બાઈક વચ્ચે ભયંકર ટક્કરમાં 3ના મોત
મળતી માહિતી મુજબ, ખેડા-અમદાવાદ હાઈવે પર આવેલા વડાલા નજીકથી પસાર થઈ રહેલા બાઈક સવાર પરિવારને એક અજાણ્યા ટેમ્પોએ અડફેટે લીધો હતો. આ દુર્ઘટનામાં પિતા અને તેમના બે પુત્રોના ઘટનાસ્થળે જ મોત નીપજ્યા છે. એક જ પરિવારના ત્રણ સભ્યોના મોતને પગલે પરિવાર પર આભ તૂટી પડ્યું છે.
આ બનાવની જાણ થતા જ સ્થાનિક પોલીસ કાફલો ઘટનાસ્થળે દોડી આવ્યો હતો અને મૃતદેહોને પોસ્ટમોર્ટમ અર્થે ખસેડવાની તજવીજ હાથ ધરી હતી. પોલીસે આ મામલે ગુનો નોંધીને ટેમ્પો ચાલક વિરુદ્ધ કાયદેસરની કાર્યવાહી શરૂ કરી છે.
