મહેમદાબાદમાં પ્લાસ્ટિક ફેક્ટરીમાં બોઇલર બ્લાસ્ટ
છેલ્લું અપડેટ : 11 Aug 2026
સોર્સ : gstv
ખેડા જિલ્લાના મહેમદાબાદ તાલુકાના વાંઠવાડી ગામના નાગરપુરામાં આવેલી પ્લાસ્ટિકના દાણા બનાવતી રેડ રેક કંપનીમાં બોઇલર ફાટતાં આગે વિકરાળ સ્વરૂપ ધારણ કર્યું હતું. બોઇલર બ્લાસ્ટ બાદ ધુમાડાના ગોટેગોટા આકાશમાં જોવા મળ્યા હતા અને બ્લાસ્ટનો અવાજ કિલોમીટર દૂર સુધી સંભળાયો હતો. ઘટના સમયે ફેક્ટરીમાં કામ કરતા 6થી 7 કારીગરો સમયસર બહાર નીકળી જતા સદનસીબે જાનહાનિ ટળી હતી. બ્લાસ્ટને કારણે ફેક્ટરીના માલિકને લાખો રૂપિયાનું નુકસાન થયું હોવાનું સામે આવ્યું છે. ઘટનાની જાણ થતાં ફાયર બ્રિગેડની ટીમો સ્થળ પર પહોંચી આગ પર કાબૂ મેળવવાની કામગીરી હાથ ધરી હતી.
