Junagadh news: એસટી બસમાં દારૂની હેરાફેરી, ઊના-પોરબંદર જતી બસમાંથી દારૂની 122 બોટલ મળી
છેલ્લું અપડેટ : 14 Dec 2025
Junagadh news: ગુજરાતમાં અનેક સ્થળોએ દારૂ અને ડ્રગ્સ ઝડપાતા હોવાની ઘટના સામે આવતી હોય છે, ત્યારે જૂનાગઢમાં ઉનાથી પોરબંદર જતી GSRTC બસમાંથી 122 દારૂની બોટલ ઝડપાઈ છે. સલામત એસટીમાં દારૂની હેરાફેરી મામલે પોલીસે બાતમીના આધારે ચેકિંગ હાથ ધર્યું હતું. જેમાં શીલ પોલીસને બસમાંથી દારૂની બોટલ મળી આવતાં, આ મામલે વધુ તપાસ હાથ ધરવામાં આવી છે.
જૂનાગઢમાં ઊનાથી પોરબંદર જતી એસટી બસમાંથી 122 દારૂની બોટલ મળી
મળતી માહિતી મુજબ, જૂનાગઢમાં શીલ પોલીસને બાતમી મળી હતી કે, એસટી બસમાં દારૂની હેરાફેરી કરવામાં આવે છે. આ મામલે પોલીસે ચેકિંગ હાથ ધર્યું હતું. જેમાં પોલીસને ઉનાથી પોરબંદર જતી એસટી બસમાં એક બેગમાંથી 122 દારૂની બોટલ મળી આવી હતી.
સમગ્ર મામલે પોલીસે કંડકટર અને ડ્રાઈવરની પૂછપરછ કરી હતી. જોકે, બસમાં દારૂ ભરેલી બેગ કોની છે અને કોણ રાખી ગયું તેને લઈને પોલીસે વધુ તપાસ હાથ ધરી છે.
