Jamnagar/ સાંસદ પૂનમબેન માડમે ઉત્સાહભેર કર્યું મતદાન, મતદારોને લોકશાહીના પર્વમાં જોડાવા અનુરોધ

જામનગર જિલ્લાનાં સાંસદ પુનમબેન માડમ એ લોકશાહી પર્વમાં ઉત્સાહભેર ભાગ લઈને પોતાના મતાધિકારનો ઉપયોગ કર્યો હતો, તેમજ નાગરિકોને મતદાન માટે પ્રેરણાત્મક સંદેશ પાઠવ્યો હતો.

આ પણ વાંચો :

Jamnagar News: પોલીસ તંત્ર દ્વારા સખત કાર્યવાહી, 12,000 ચોરસ ફૂટ જમીન પર ગેરકાયદે દબાણ દૂર કરાયું

VIDEO/ Jamnagarમાં મનપાની ચૂંટણી માટે મતદાન પ્રક્રિયા શરૂ, 7 વાગ્યાના ટકોરે જ મતદારો ઉમટી પડ્યા

સાંસદ પુનમબેન માડમ આજે સવારે નવાગામ ઘેડ વિસ્તારમાં આવેલ ગોપાલ કુમાર છાત્રાલય ખાતે સ્થિત મતદાન મથકે પહોંચ્યા હતા, અને શાંતિપૂર્ણ રીતે મતદાન કર્યું હતું. મતદાન બાદ તેમણે જણાવ્યું હતું કે લોકશાહી મજબૂત બનાવવા માટે દરેક નાગરિકે પોતાના મતાધિકારનો ઉપયોગ કરવો અત્યંત આવશ્યક છે.

તેમણે જામનગર શહેર અને જિલ્લામાં વસતા તમામ મતદારોને અપીલ કરતાં જણાવ્યું હતું કે, આ લોકશાહી પર્વમાં ઉત્સાહપૂર્વક જોડાઈને વધુમાં વધુ સંખ્યામાં મતદાન કરે અને લોકશાહીને મજબૂત બનાવે. તેમની આ અપીલથી મતદારોમાં પણ જાગૃતિ અને ઉત્સાહનો સંદેશ પ્રસરી રહ્યો છે.