Video: શરદપૂર્ણિમાના પર્વે દ્વારકાધીશ મંદિરે ભારે ભીડ

શરદપૂર્ણિમાના પાવન પર્વ નિમિત્તે પ્રસિદ્ધ યાત્રાધામ દ્વારકામાં ભગવાન દ્વારકાધીશના દર્શનાર્થે કૃષ્ણભક્તોનું વિશાળ ઘોડાપૂર ઉમટી પડ્યું છે. વહેલી સવારથી જ જગત મંદિરના સ્વર્ગ દ્વાર અને મોક્ષ દ્વાર પર ગુજરાત સહિત દેશભરમાંથી આવેલા શ્રદ્ધાળુઓની દર્શન માટે લાંબી કતારો જોવા મળી હતી. આ પાવન અવસરે મોટી સંખ્યામાં ભક્તોએ પવિત્ર ગોમતી નદીમાં આસ્થાની ડૂબકી લગાવીને ભગવાન દ્વારકાધીશના ચરણે શીશ નમાવી ધન્યતા અનુભવી હતી. મંદિર પરિસર અને સમગ્ર દ્વારકા નગરીમાં 'જય દ્વારકાધીશ'ના ગગનભેદી નાદથી વાતાવરણ સંપૂર્ણપણે ભક્તિમય અને રોનકદાર બની ગયું હતું. શ્રદ્ધાળુઓએ કાળિયા ઠાકોરના દર્શન કરી પોતાના પરિવારની સુખ-સમૃદ્ધિ તેમજ કલ્યાણ માટે ભાવપૂર્વક પ્રાર્થના કરી હતી. આ ધાર્મિક ઉત્સવના કારણે સમગ્ર યાત્રાધામમાં એક અનોખો ઉત્સાહ અને રોનક જોવા મળી રહી છે.