Gujarat Rain Forecast: રાજ્યમાં આગામી 6 દિવસ ભારે વરસાદની આગાહી, આ 15થી વધુ જિલ્લામાં યલો એલર્ટ અપાયું 

Gujarat Rain Forecast: ગુજરાતના મોટાભાગના વિસ્તારોમાં છૂટોછવાયો વરસાદ વરસી રહ્યો છે, ત્યારે હવામાન વિભાગે આગામી 27 જુલાઈ સુધી હળવાથી ભારે વરસાદની આગાહી કરી છે. જેમાં આગામી 4 દિવસ એટલે કે 25 જુલાઈ સુધી રાજ્યભરમાં ગાજવીજ સાથે હળવાથી મધ્યમ વરસાદી માહોલ રહેશે. જ્યારે 26-27 જુલાઈના રોજ 15 થી વધુ જિલ્લામાં યલો ઍલર્ટ જાહેર કર્યુ છે. ચાલો જાણીએ ક્યાં-કેવો રહેશે વરસાદી માહોલ. 

આ પણ વાંચો :

Himachal Pradesh news: હિમાચલ પ્રદેશના ચંબામાં મૂશળધાર વરસાદ, 2નાં મોત, ભૂસ્ખલનથી 39 રસ્તાઓ બંધ

Bollywood news: બીજી એક રામાયણ ફિલ્મ બનાવવાની તૈયારીઓ, અભિનેત્રી આલિયા ભટ્ટ માતા સીતા બનશે, આ સ્ટાર બનશે શ્રીરામ

6 દિવસ ભારે વરસાદની આગાહી
હવામાન વિભાગની આગાહી મુજબ, રાજ્યમાં આગામી 22 થી 25 જુલાઈ સુધીમાં ગુજરાતભરમાં મેઘગર્જના અને 30-40 કિ.મી.ની ઝડપે પવન ફૂંકાવવાની સાથે હળવાથી મધ્યમ વરસાદની આગાહી છે. 

26 જુલાઈની આગાહી
26 જુલાઈના રોજ અમરેલી, ભાવનગર, નવસારી, વલસાડ, ડાંગ, તાપી, નર્મદા, છોટા ઉદેપુર, પંચમહાલ, દાહોદ, મહીસાગર જિલ્લાના છૂટાછવાયા સ્થળોએ ગાજવીજ સાથે ભારે વરસાદને પગલે યલો ઍલર્ટ જાહેર કરવામાં આવ્યું છે

આ પણ વાંચો :

Sensex today: શેરબજારમાં સારી રિકવરી, સેન્સેક્સ 443 અને નિફ્ટી 122 અંક ઉછળ્યો, આ સ્ટોક્સમાં જોવા મળી તેજી

Chhotaudepur news: છોટાઉદેપુરના 4 બ્રિજ બંધ કરી પ્રજાને રામભરોસે મૂકી અધિકારીઓ 10 દિવસ ગાયબ

27 જુલાઈની આગાહી
27 જુલાઈએ 18 જિલ્લામાં હવામાન વિભાગે યલો ઍલર્ટ જાહેર કર્યુ છે. જેમાં બનાસકાંઠા, સાબરકાંઠા, અરવલ્લી, મહીસાગર, દાહોદ, પંચમહાલ, વડોદરા, છોટા ઉદેપુર, ભરૂચ, નર્મદા, સુરત, તાપી, નવસારી, ડાંગ, વલસાડ, ગીર સોમનાથ, અમરેલી, ભાવનગર જિલ્લામાં ભારે વરસાદને લઈને યલો ઍલર્ટ જાહેર કર્યુ છે.