VIDEO:મોંઘવારી અને ખેડૂતોના પ્રશ્ને કોંગ્રેસનો મૌન આક્રોશ

મહુધા મામલતદાર કચેરી ખાતે ખેડા જિલ્લા કોંગ્રેસ સંગઠન દ્વારા અનોખું મૌન ધરણું યોજાયું હતું. ચૂંટણી કે આવેદન વગર માત્ર બેનરો સાથે કરવામાં આવેલા આ વિરોધમાં કોઈ સૂત્રોચ્ચાર કરવામાં આવ્યો નહોતો. કાર્યકરોએ મોંઘવારી, ખેડૂતોની સમસ્યાઓ અને સામાન્ય જનતાના પ્રશ્નોને લઈને મૌન આક્રોશ વ્યક્ત કર્યો હતો. ખેડૂતોને ટેકાના ભાવ ન મળતા, ખાતર અને ડીઝલના વધતા ભાવથી મુશ્કેલી વધતી હોવાનું જણાવ્યું હતું. પશુપાલકો પર દાણના ભાવનો બોજ વધ્યો છે, જ્યારે પેટ્રોલ-ડીઝલ અને ગેસની કિંમતોમાં સતત વધારો થતો રહ્યો છે. કોંગ્રેસે આ મૌન ધરણા દ્વારા સરકાર સુધી જનતાનો અવાજ પહોંચાડવાનો પ્રયાસ કર્યો હોવાનું જણાવ્યું છે.