VIDEO:મહુધા પાસે શેઢી નદીનો કોઝવે તૂટ્યો, અનેક ગામો સંપર્કવિહોણા

વરસાદના પાણીના વહેણને પગલે મહુધા તાલુકાના હેરંજ પાસે શેઢી નદી પરનો કામચલાઉ કોઝવે ધોવાઈ ગયો છે. આ ઘટનાને કારણે અનેક ગામડાઓનો વાહન વ્યવહાર સંપૂર્ણપણે ખોરવાઈ ગયો છે.મહુધાના અલીયાણાથી આણંદના પણસોરા વચ્ચેના રોડ પર નવો બ્રિજ બનાવવાનું કામ ચાલું છે, જેના માટે આ કામચલાઉ કોઝ-વે બનાવવામાં આવ્યો હતો. કોઝવે ધોવાતાં ખેડા-આણંદ જિલ્લા વચ્ચે એસટી બસ સહિતના વાહનોની અવરજવર બંધ થઈ ગઈ છે.સ્થાનિક લોકો અને મુસાફરો અટવાઈ પડ્યા છે. વહેલીતકે કાયમી વ્યવસ્થા કરવાની માંગ ઉઠી છે.