Video: વડોદરાના વાઘોડિયામાં ત્રણ કરોડના ખર્ચે બનેલા નવા ડામર રોડના આઠ જ દિવસમાં પોપડા ઉખડતા ભાજપ ધારાસભ્ય લાલઘુમ

વડોદરા જિલ્લાના વાઘોડિયાથી આંકડિયાપુરાને જોડતા નવા ડામર રોડની નબળી કામગીરી સામે આવતા સ્થાનિક ભાજપ ધારાસભ્ય ધર્મેન્દ્રસિંહ વાઘેલા લાલઘુમ થયા છે. અંદાજે ત્રણ કરોડના ખર્ચે બનેલા આ રોડનું ગત અઠવાડિયે જ લોકાર્પણ થયું હતું, પરંતુ માત્ર આઠ જ દિવસમાં ડામરના પોપડા ઉખડી જતાં તંત્રની ભ્રષ્ટ કામગીરીના પોલ ખુલ્લા પડી ગયા છે. ઘટનાની જાણ થતાં જ ધારાસભ્ય તાત્કાલિક સ્થળ પર દોડી આવ્યા હતા અને રોડની ગુણવત્તા ચકાસવા માટે રૂબરૂ સેમ્પલિંગ કરાવ્યું હતું. આ મામલે હલકી ગુણવત્તાનું મટીરીયલ વાપરનાર જવાબદાર લોકો સામે કડક કાર્યવાહીની માંગ કરી છે તેમજ તેઓ આ સમગ્ર કૌભાંડ અંગે મુખ્યમંત્રીને પત્ર પણ લખવાના છે.