VIDEO: સચિન GIDCમાં મોટી દુર્ઘટના ટળી: વિરાટ કોમ્પ્લેક્સની વિશાળ દીવાલ ધરાશાયી

સુરત શહેરમાં અકસ્માતો અને દુર્ઘટનાઓનો સિલસિલો યથાવત રહ્યો છે. પાંડેસરાની ઘટના બાદ હવે સચિન GIDC વિસ્તારમાં આવેલ વિરાટ કોમ્પ્લેક્સની એક વિશાળ દીવાલ અચાનક ધરાશાયી થઈ ગઈ છે.દીવાલ પડતાં જ જોરદાર અવાજ સાથે આસપાસના વિસ્તારમાં ભારે ભય અને અફરાતફરીનો માહોલ સર્જાયો હતો. સદનસીબે દુર્ઘટના સમયે ત્યાં કોઈ હાજર ન હોવાથી મોટી જાનહાનિ ટળી ગઈ છે અને તંત્રએ રાહતનો શ્વાસ લીધો છે. જોકે, શહેરમાં એકપછી એક બની રહેલી આવી ઘટનાઓને પગલે સ્થાનિક વહીવટી તંત્રની બેદરકારી અને જૂના-નવા બાંધકામોની સુરક્ષા સામે ફરી મોટા સવાલો ઊભા થયા છે.