VIDEO:બનાસકાંઠામાં વરસાદની આગાહીથી ખેડૂતો ચિંતિત
છેલ્લું અપડેટ : 30 May 2026
સોર્સ : GSTV
બનાસકાંઠા જિલ્લામાં આગામી ત્રણ દિવસ વરસાદની આગાહીને લઈને ખેડૂતોમાં ચિંતાનો માહોલ જોવા મળી રહ્યો છે. આજથી 1 જૂન દરમિયાન વરસાદની શક્યતા વ્યક્ત થતાં બાજરી સહિતના ઉનાળુ પાકના ઉત્પાદકોમાં ચિંતા વધી છે. હાલ બાજરીની કાપણી અને અન્ય પાકોની લણણીની કામગીરી ચાલી રહી હોવાથી વરસાદથી લાખો રૂપિયાનું નુકસાન થવાની ભીતિ સેવાઈ રહી છે. અગાઉ કમોસમી વરસાદનો માર સહન કરી ચૂકેલા ખેડૂતો હવે પાક બચાવવા માટે સાવચેતીના પગલાં લઈ રહ્યા છે. બીજી તરફ ડીસા APMC દ્વારા ખેડૂતો અને વેપારીઓને માલ સલામત સ્થળે રાખવા તેમજ જરૂરી તકેદારી રાખવા સૂચના આપવામાં આવી છે.
