Video: ગોવિંદપુરા ગામમાંથી સામે આવ્યું આશ્ચર્યજનક દ્રશ્ય

અમરેલી જિલ્લાના ધારી તાલુકાના ગોવિંદપુર ગામની વચ્ચેથી એક આશ્ચર્યજનક વીડિયો સામે આવ્યો છે, જેમાં જંગલનો રાજા સિંહ મરાયેલા શિકારની મિજબાની માણતો કેમેરામાં કેદ થયો છે. જંગલમાં પૂરતો શિકાર ન મળવાને કારણે હવે સાવજો ધારી તાલુકાના ગ્રામ્ય વિસ્તારો અને માનવ વસ્તી તરફ વળ્યા છે. ગામની બરાબર વચ્ચે લોકોની હાજરી હોવા છતાં આ સિંહ કોઈપણ ખુબ આરામથી પોતાનું ભોજન લેતો નજરે પડ્યો હતો. આ અનોખો અને ચોંકાવનારો નજારો સ્થાનિક લોકોએ પોતાના મોબાઈલના કેમેરામાં કેદ કર્યો હતો, જે હાલ સોશિયલ મીડિયા પર ખૂબ જ વાયરલ થઈ રહ્યો છે. ગામની વચ્ચોવચ સિંહ શાંતિથી મિજબાની માણી રહ્યો હતો.. ધારી અને તેની આજુબાજુના ગ્રામ્ય વિસ્તારોમાં સિંહોની આ પ્રકારે અચૂક હાજરી રહેતી હોવાને કારણે સ્થાનિક રહેવાસીઓમાં સતત ભય અને પોતાના માલ ઢોરોની સલામતી માટે ચિંતાનો માહોલ પણ છવાયેલો રહે છે.