Ahmedabad news: હિંમતનગર ટુ હૈદરાબાદ ચાલતા બાળ તસ્કરીના રેકેટનો પર્દાફાશ, લાખોમાં વેચાયેલા બાળકનું રેસ્ક્યૂ

અમદાવાદમાં બાળ તસ્કરી સામે મોટી સફળતા મેળવતા અમદાવાદ ક્રાઈમ બ્રાન્ચ (DCB) અને ગુજરાત એન્ટી ટેરરિઝમ સ્ક્વોડ (ATS) એ સંયુક્ત ઓપરેશન હાથ ધરી નવજાત શિશુના વેચાણના મોટા નેટવર્કને ઝડપી પાડ્યું છે. પોલીસે આ મામલે એક નવજાત બાળકને રેસ્ક્યૂ કર્યું છે અને ત્રણ શખ્સોની ધરપકડ કરી છે.

આ પણ વાંચો :

Video: વડોદરા રેલવે સ્ટેશન પર બાળ તસ્કરીના રેકેટનો પર્દાફાશ

ધોળકા અપહરણ કાંડ: બાળ તસ્કરીનું રાષ્ટ્રીય નેટવર્ક ઝડપાયું, બાળકોની ઉંમર પ્રમાણમાં નાણાં નક્કી થતા

ગુપ્ત માહિતીના આધારે ઓપરેશન

મળતી માહિતી અનુસાર, 28મી જાન્યુઆરીના રોજ ગુજરાત ATS ને મળેલી ચોક્કસ બાતમીના આધારે, ક્રાઈમ બ્રાન્ચના પીએસઆઈની ટીમે એરપોર્ટની બાઉન્ડ્રી વોલ પાસે કોતરપુર પમ્પિંગ સ્ટેશન નજીક વોચ ગોઠવી હતી. આ દરમિયાન હિંમતનગર તરફથી આવતી એક સફેદ રંગની કાર (GJ-01-MT-2600)ને અટકાવવામાં આવી હતી. તપાસ દરમિયાન કારમાંથી એક નવજાત બાળક મળી આવ્યું હતું, જેનું ગેરકાયદે વહન કરવામાં આવી રહ્યું હતું.