Ahmedabad: રિયલ એસ્ટેટમાં ઉચ્ચ વળતરની લાલચ આપી 'બંટી-બબલી'એ કરી 18 લાખની છેતરપિંડી

અમદાવાદમાં ઊંચા વળતરની લાલચ આપીને રોકાણકારોને છેતરવાના કિસ્સાઓ સતત વધી રહ્યા છે. આવો જ એક બનાવ સામે આવ્યો છે જેમાં એક 'બંટી-બબલી' જોડીએ રિયલ એસ્ટેટમાં રોકાણ કરાવવાના બહાને એક વ્યક્તિ પાસેથી રૂપિયા 18 લાખ પડાવી લીધા છે.

આ પણ વાંચો :

Ahmedabad: વસ્ત્રાલમાં 44,764 ચો.મીટર જગ્યામાં નવું અદ્યતન સ્પોર્ટ્સ કોમ્પ્લેક્સ બનાવાયું

Ahmedabad: પીએમ મોદીના દીર્ઘાયુષ્ય અને કલ્યાણ માટે યોજાશે રાજસુય મહાયજ્ઞ

6 % માસિક વળતરની લોભામણી સ્કીમ

ફરિયાદ મુજબ, શહેરના સિદ્ધાર્થ રાવલ અને પાયલ રાવલ નામના દંપતીએ એક રોકાણકારને રિયલ એસ્ટેટ પ્રોજેક્ટ્સમાં પૈસા રોકવાની સલાહ આપી હતી. તેમણે રોકાણકારને દર મહિને 6 % લેખે ઊંચું વળતર આપવાની લાલચ આપી હતી. આ લોભામણી સ્કીમ પર વિશ્વાસ મૂકીને રોકાણકારે તબક્કાવાર રીતે તેમને રૂપિયા 18 લાખ આપ્યા હતા. જોકે, વળતર આપવાના બદલે આ દંપતીએ રોકાણકારના પૈસા પચાવી પાડીને તેમની સાથે છેતરપિંડી કરી હતી.

સિદ્ધાર્થ અને પાયલ રાવલ વિરુદ્ધ ફરિયાદ

છેતરાયાની જાણ થતાં રોકાણકારે સિદ્ધાર્થ રાવલ અને પાયલ રાવલ વિરુદ્ધ પોલીસ ફરિયાદ નોંધાવી છે. આનંદનગર પોલીસે આ દંપતી (સિદ્ધાર્થ રાવલ અને પાયલ રાવલ) વિરુદ્ધ ફરિયાદ નોંધીને સમગ્ર મામલે તપાસ શરૂ કરી દીધી છે. પોલીસ આ દંપતીને ઝડપી પાડવા અને છેતરપિંડીની રકમ કેવી રીતે વાપરવામાં આવી તેની દિશામાં કાર્યવાહી કરી રહી છે.