VIDEO: અનરાધાર વરસાદ બાદ કલેક્ટર સ્થિતિની સમીક્ષા કરી

અમરેલી જિલ્લામાં અનરાધાર વરસાદ બાદ સ્થિતિની સમીક્ષા કરતા કલેક્ટર વિકલ્પ ભારદ્વાજે જણાવ્યું કે રાજુલામાં સૌથી વધુ  11 ઈંચ વરસાદ નોંધાયો છે, જ્યારે ધારીમાં 10.5 ઈંચ, સાવરકુંડલામાં 7.5 ઈંચ,  ખાંભામાં 7 ઈંચ, જાફરાબાદમાં પાંચ ઈંચ બગસરામાં અને લીલીયામાં 4-4 ઈંચ વરસાદ વરસ્યો છે. ભારે વરસાદને પગલે વહીવટી તંત્ર દ્વારા 380 જેટલા નાગરિકોને સલામત સ્થળોએ ખસેડી તેમના ભોજન સહિતની જરૂરી વ્યવસ્થા કરવામાં આવી છે. જિલ્લામાં વીજ પુરવઠો ઝડપથી પુનઃસ્થાપિત કરવાની કામગીરી હેઠળ 359માંથી 248 વીજ ફીડર ફરી કાર્યરત કરી દેવામાં આવ્યા છે. માર્ગ-મકાન વિભાગ, પંચાયત અને નેશનલ હાઇવે પર વરસાદથી બંધ થયેલા માર્ગોને ફરી શરૂ કરવા માટે યુદ્ધના ધોરણે કામગીરી ચાલી રહી હોવાનું કલેક્ટરે જણાવ્યું.