Rajkot News: ગુંદાળાના માથાભારે વ્યક્તિએ સરપંચ સાથે કરી બબાલ, માર મારતા ગામમાં મચ્યો હોબાળો

ગોંડલના ગુંદાળા ગામે રામજી મંદિરના ચોકમાં સરપંચ ગોરધનભાઈ ડાભી પર હુમલો થયો છે. હુમલાખોર હિતુભા જાડેજા, જેને "ગાંડા ગરાસિયા" તરીકે ઓળખવામાં આવે છે, તેણે પાવડાના હાથા વડે સરપંચને માર માર્યો. આ ઘટના 100 વારના પ્લોટને લઈને થયેલા વિવાદના પરિણામે બની હોવાનું જાણવા મળે છે.

ગોંડલના ગુંદાળા ગામે રામજી મંદિર ચોકમાં બનેલી આ ઘટના ગુંદાળા ગામમાં પાટીદારો અને ક્ષત્રિયો વચ્ચેના અગાઉના વિવાદની પૃષ્ઠભૂમિમાં થયો, જે હજુ શાંત થયો નથી. ઘટના બાદ ગુંદાળા ગામના લોકો મોટી સંખ્યામાં એકઠા થયા અને આરોપી હિતુભા જાડેજાની ધરપકડની માંગ કરી.