'તેને નવા કપડાની શું જરૂર છે', જ્યારે શાહરૂખ ખાનનું ટી-શર્ટ એક્સચેન્જ કરાવીને હેન્ડબેગ લઈ આવી ગૌરી

શાહરૂખ ખાન અને ગૌરી ખાન બોલિવૂડના પાવર કપલ છે. શાહરૂખ ખાનને બોલિવૂડમાં 'કિંગ ઓફ રોમાન્સ' કહેવામાં આવે છે, તો રિયલ લાઈફમાં પણતેની લવ સ્ટોરી પણ ઘણી રસપ્રદ છે. આ કપલ ઘણીવાર તેમના ફેન્સને એકબીજા સાથે સંબંધિત વાર્તાઓથી કહેતા હોય છે. શાહરૂખ ખાને એકવાર ખુલાસો કર્યો હતો કે તેની પત્ની ગૌરી મોટાભાગે તેના દ્વારા આપવામાં આવેલી ગિફ્ટની એક્સચેન્જ કરાવી લે છે અને તેણે તેની સાથે જોડાયેલી એક રમૂજી વાત પણ જણાવી હતી.

આ પણ વાંચો: 2 ખાન ભાઈઓ, જેમની છોડેલી ફિલ્મોએ અક્ષય-શાહરુખને રાતોરાત સ્ટાર બનાવી દીધા!

શાહરૂખ ખાને આપેલી ગિફ્ટ એક્સચેન્જ કરાવી લે છે ગૌરી

એક શોમાં ફરાહ ખાન સાથે વાત કરતી વખતે, કિંગ ખાને કહ્યું હતું કે તેની પત્ની હંમેશા તેની ગિફ્ટ સ્વીકારે છે, પરંતુ મોટાભાગે તે સ્ટોર પર જાય છે અને તે ગિફ્ટ એક્સચેન્જ કરાવી લે છે. એક રમૂજી ઘટનાનું વર્ણન કરતા, અભિનેતાએ કહ્યું હતું કે, એકવાર તેને કરોડરજ્જુમાં ઈજા થઈ હતી અને તેને સ્વસ્થ થવા માટે લગભગ બે મહિના લંડનમાં રહેવું પડ્યું હતું. અભિનેતા ત્યાં પ્લાનિંગ કરતાં વધુ સમય રોકાવાનો હતો, તેથી તેણે પોતાના માટે એક નવી ટી-શર્ટ ખરીદી હતી. બાદમાં શાહરૂખને સમજાયું કે ટી-શર્ટ તેની સાઈઝ કરતા મોટી હતી.

તેથી, તેણે તેની સાઈઝની ટી-શર્ટ માટે તેને સ્ટોરમાં પરત કરવાનું વિચાર્યું પરંતુ તેની પત્ની ગૌરી ખાને તેને કહ્યું કે સ્ટોરમાં એક્સચેન્જની સુવિધા નથી અને તે તેમ નહીં કરી શકે. 

ગૌરી શાહરૂખનું ટી-શર્ટ બદલીને હેન્ડબેગ લઈ આવી

આ વિશે વાત કરતા શાહરૂખે કહ્યું હતું કે, તેના મિત્રો પામિલા અને કાજલ તેને મળવા આવ્યા હતા અને આ દરમિયાન તેઓએ જણાવ્યું હતું કે 'ગૌરીએ ટી-શર્ટ એક્સચેન્જ કરાવ્યું છે અને કંઈક બીજું ખરીદ્યું છે પરંતુ તેણે તમારા માટે કંઈ નથી ખરીદ્યું'. ગૌરીએ કહ્યું કે તે હોસ્પિટલમાં છે, તેને નવા કપડાની શું જરૂર છે. તેથી તેણે પોતાના માટે એક હેન્ડબેગ લઈ લીધી.

તમને જણાવી દઈએ કે શાહરૂખ ખાન અને ગૌરી ખાન દિલ્હીમાં એકબીજાને મળ્યા હતા અને પછી તેઓ પ્રેમમાં પડ્યા હતા. આ કપલે 25 ઓક્ટોબર 1991ના રોજ લગ્ન કર્યા હતા. આ કપલને ત્રણ બાળકો છે આર્યન, સુહાના અને અબરામ.