2 ખાન ભાઈઓ, જેમની છોડેલી ફિલ્મોએ અક્ષય-શાહરુખને રાતોરાત સ્ટાર બનાવી દીધા!

અક્ષય કુમાર અને શાહરૂખ ખાન બંને આજે ફિલ્મ ઈન્ડસ્ટ્રીના સૌથી મોટા નામોમાંથી એક છે. પરંતુ તેમના નસીબના તાળા બે ખાન ભાઈઓની છોડેલી ફિલ્મો કર્યા પછી ખૂલી ગયા. આ બંને ખાન ભાઈઓ બીજું કોઈ નહીં પણ સલમાન ખાન અને તેનો નાનો ભાઈ અરબાઝ ખાન છે. બંને ફિલ્મોના દિગ્દર્શકો અબ્બાસ બર્માવાલા અને મસ્તાન બર્માવાલા છે, જેને અબ્બાસ-મસ્તાન તરીકે પણ ઓળખવામાં આવે છે. ડાયરેક્ટર જોડીએ વાતચીત દરમિયાન જણાવ્યું કે કેવી રીતે અક્ષય કુમાર અરબાઝ ખાનની છોડેલી ફિલ્મથી અને શાહરૂખ ખાન સલમાન ખાનની  છોડેલી ફિલ્મથી રાતોરાત સ્ટાર બની ગયો.

આ પણ વાંચો : આલિયાના અપમાન સામે રણબીરના સૂર, એનિમલની આગામી ફ્રેન્ચાઈઝી માટે કર્યો મોટો નિર્ણય

અબ્બાસ-મસ્તાને એક જૂના ઈન્ટરવ્યુમાં કહ્યું હતું કે તેમની બે ફિલ્મોમાં અનુક્રમે અરબાઝ ખાન અને સલમાન ખાન હીરોના રોલમાં હતા. પરંતુ તેમના પિતા સલીમ ખાન તેની સાથે સહમત ન હતા. અબ્બાસ-મસ્તાનની જે બે ફિલ્મોની વાત થઈ તેમાંથી એક છે 'ખિલાડી' અને બીજી 'બાઝીગર'. 'ખિલાડી' વિશે વાત કરતા નિર્દેશક જોડીએ કહ્યું, "જ્યારે અમે ફિલ્મની વાર્તા લખી ત્યારે સૌથી પહેલા અમે સલીમ ખાન સાથે વાત કરવા ગયા હતા. કારણ કે અમે અરબાઝ ખાનને લીડ રોલમાં કાસ્ટ કરવા માંગતા હતા. તેમણે અરબાઝ સાથે વાર્તા સાંભળી અને કહ્યું કે આ રોલ અરબાઝ માટે યોગ્ય નથી, તેથી અમે તેના માટે અક્ષય કુમારનો સંપર્ક કર્યો.

શાહરૂખ ખાન પહેલા બે હીરોએ છોડી હતી 'બાઝીગર'
અબ્બાસ-મસ્તાને એ પણ ખુલાસો કર્યો હતો કે શાહરૂખ ખાન પહેલા તેઓએ 'બાઝીગર' માટે બે સ્ટાર્સનો સંપર્ક કર્યો હતો અને તે બંનેએ ફિલ્મ કરી ન હતી. "અમે અનિલ કપૂરનો પણ સંપર્ક કર્યો, પરંતુ તેણે કહ્યું કે 'વિષય જોખમી છે, હું તે નહીં કરું.' તેથી અમે સલમાન ખાનનો સંપર્ક કર્યો, પરંતુ તે રાજશ્રી ફિલ્મ્સમાં વ્યસ્ત હતો અને સલીમ સાહેબે કહ્યું કે સલમાન માટે આવી ફિલ્મો કરવી ખૂબ જ વહેલું હશે.

શાહરૂખ ખાન સ્ટોરી સાંભળતા જ 'બાઝીગર' માટે સંમત થઈ ગયો
અબ્બાસ-મસ્તાન કહે છે, "શાહરૂખ ખાન ફ્લોર પર બેસીને સ્ટોરી સાંભળી રહ્યો હતો અને અમે પલંગ પર બેઠા હતા. સ્ટોરી પૂરી થયા પછી શાહરૂખ ઊભો થયો અને અમને ગળે લગાડ્યો અને કહ્યું - શું સ્ટોરી છે, હું આ કરીશ"

ઉલ્લેખનીય છે કે 'ખિલાડી' અક્ષય કુમારની પ્રથમ હિટ ફિલ્મ હતી અને તેવી જ રીતે 'બાઝીગર' શાહરૂખ ખાનની પ્રથમ હિટ ફિલ્મ હતી.