સની દેઓલની 'ગદર 2' ફરી આવશે થિયેટર્સમાં, મેકર્સે આ ખાસ કારણથી લીધો નિર્ણય

ગયા વર્ષે સની દેઓલની ફિલ્મ ‘ગદર 2’એ ઈતિહાસ રચ્યો હતો. આ ફિલ્મ 2023ની સૌથી વધુ કમાણી કરનારી ફિલ્મોમાં સામેલ હતી. હવે દર્શકો ફરી એકવાર થિયેટર્સમાં પરત ફરશે. ચાલો તમને જણાવીએ કે મેકર્સે શા માટે ફરીથી રિલીઝ કરવાનો નિર્ણય કર્યો. ઓડિયન્સ થિયેટરોમાં ‘ગદર 2’ ક્યારે જોઈ શકશે? સની દેઓલ અને અમીષા પટેલની ફિલ્મ 4 ઓગસ્ટે થિયેટર્સમાં ફરીથી રિલીઝ થશે. પરંતુ આ વખતે તે મૂકબધિર ઓડિયન્સ માટે ભારતીય સાઇન લેંગ્વેજ (ISL)માં રિલીઝ થશે. ફેન્સે પણ આ ખાસ નિર્ણયને સમર્થન આપ્યું હતું.

ફરી રિલીઝ થશે ‘ગદર 2’

ગયા વર્ષે ‘ગદર 2’નો ઉત્સાહ દેશભરના લાખો લોકોમાં જોવા મળ્યો હતો. તે સૌથી વધુ કમાણી કરનારી હિન્દી ફિલ્મોમાંની એક બની. ISLમાં ફિલ્મ રિલીઝ કરવાનો હેતુ મૂકબધિર ઓડિયન્સને ઇમર્સિવ સિનેમેટિક અનુભવ પ્રદાન કરવાનો છે.

સની દેઓલે પણ આપી પ્રતિક્રિયા

આ પગલા માટે ઝી સ્ટુડિયોએ ફિલ્મની પહેલી વર્ષગાંઠ પહેલા 'ઈન્ડિયા સાઈનિંગ હેન્ડ્સ' નામની સંસ્થા સાથે ભાગીદારી કરી છે. આ અવસર પર સની દેઓલે કહ્યું, "'ગદર 2' એક એવી ફિલ્મ છે જે મારા દિલમાં એક ખાસ સ્થાન ધરાવે છે અને હંમેશા રહેશે. તેની રજૂઆતના એક વર્ષ પછી પણ દર્શકો તરફથી અમને જે પ્રેમ અને સમર્થન મળી રહ્યું છે તે જોઈને ખૂબ આનંદ થાય છે. ભારતીય સાંકેતિક ભાષા સાથે તેના પુનઃપ્રદર્શનથી ફિલ્મ આ વખતે વધુ ઓડિયન્સના હૃદયને સ્પર્શશે.

ગદર સિક્વલ

‘ગદર 2’ 2001માં રિલીઝ થયેલી બ્લોકબસ્ટર ફિલ્મ ‘ગદરઃ એક પ્રેમ કથા’ની સિક્વલ છે. જેમાં સની દેઓલે તારા સિંહનો રોલ કર્યો છે અને અમીષા પટેલે સકીનાનો રોલ કર્યો છે. ઉત્કર્ષ શર્મા તેમના દીકરા ચરણજીતના રોલમાં છે.

‘ગદર 2’ કલેક્શન

ફિલ્મની સ્ટોરી 1971ના ત્રીજા ભારત-પાકિસ્તાન યુદ્ધના બેકગ્રાઉન્ડ પર આધારિત છે. તેમાં, તારા સિંહ તેમના દીકરા ચરણજીતને પરત લાવવા માટે ભારત વિરોધી "ક્રશ ઈન્ડિયા" અભિયાન વચ્ચે લાહોર, પાકિસ્તાન પરત ફરે છે. તે ગયા વર્ષે 11 ઓગસ્ટે રિલીઝ થઈ હતી. આ ફિલ્મે વિશ્વભરમાં 686 કરોડ રૂપિયાની કમાણી કરી હતી.