ઐશ્વર્યા રાય બચ્ચનને ઈગ્નોર કરી રહ્યો છે બચ્ચન પરિવાર? ગુસ્સે થઈ સિમી ગ્રેવાલે, આપ્યું આવું રિએક્શન

ઐશ્વર્યા રાય બચ્ચન અને અભિષેક બચ્ચન વચ્ચે અણબનાવ હોવાના અહેવાલો છેલ્લા કેટલાક સમયથી આવી રહ્યા છે. કહેવામાં આવી રહ્યું છે કે, બંને અલગ થવાના છે. અનંત અંબાણીના લગ્નમાં જ્યારે બચ્ચન પરિવાર અલગથી પહોંચ્યો હતો અને ઐશ્વર્યા રાય તેની દીકરી સાથે હતી, ત્યારે કહેવામાં આવ્યું હતું કે, બચ્ચન પરિવાર એક્ટ્રેસને ઈગ્નોર કરી રહ્યો છે.

બચ્ચન પરિવારે ઐશ્વર્યાની કરી ઈગ્નોર?

તાજેતરમાં ઐશ્વર્યા રાયને SIIMA 2024માં એવોર્ડ મળ્યો હતો. આ દરમિયાન બચ્ચન પરિવારમાંથી કોઈ તેની સાથે નહોતું. ઐશ્વર્યા તેની દીકરી આરાધ્યા સાથે ગઈ હતી. પરિવારના કોઈ સભ્યએ પણ તેને શુભેચ્છા પાઠવી ન હતી. તાજેતરમાં એક ઇન્સ્ટાગ્રામ પેજએ એક વીડિયો પોસ્ટ કર્યો હતો, જેમાં તે હાઇલાઇટ કરવામાં આવ્યું હતું કે, બચ્ચન પરિવાર ઐશ્વર્યાને નજરઅંદાજ કરી રહ્યો છે. જોકે, અભિનેત્રી સિમી ગ્રેવાલે આ વીડિયોમાં આ બધી અફવાઓ પર પ્રતિક્રિયા આપી છે. તેણે વીડિયોમાં કોમેન્ટ કરીને લખ્યું- તમે લોકો કંઈ નથી જાણતા. Reddit એ તેનો સ્ક્રીનશોટ શેર કર્યો, જેના પછી તે ચર્ચામાં આવ્યો.

ટ્રોલ થઈ નવ્યા નવેલી નંદા

આ સિવાય ઐશ્વર્યા હાલમાં જ પેરિસ ફેશન વીકમાં પહોંચી હતી. ફેશન વીકની એક્ટ્રેસના ફોટા અને વીડિયો ખૂબ વાયરલ થયા હતા. ઐશ્વર્યા સાથે આલિયા ભટ્ટ પણ તેનો ભાગ બની હતી. તો શ્વેતા બચ્ચનની દીકરી નવ્યા નવેલી નંદાએ આલિયા ભટ્ટના ફોટા પર રિએક્ટ કર્યું. જોકે, તેણે ઐશ્વર્યાના ફોટા પર કોઈ પ્રતિક્રિયા આપી નથી. આ પછી નવ્યાને ઘણી ટ્રોલ કરવામાં આવી હતી.

ઉલ્લેખનીય છે કે, થોડા દિવસો પહેલા જ્યારે ઐશ્વર્યા અને અભિષેકના છૂટાછેડાના સમાચાર ચર્ચામાં આવ્યા હતા ત્યારે અભિષેક બચ્ચને તેના પર પ્રતિક્રિયા આપી હતી. અભિષેકે આ સમાચારને નકારી કાઢ્યા હતા અને કહ્યું હતું કે, તે હજુ પણ લગ્નની વીંટી પહેરી રહ્યો છે. જોકે, ઐશ્વર્યા રાયે આ અફવાઓ પર કોઈ પ્રતિક્રિયા આપી નથી.