સલમાન ખાને ટી-શર્ટ ઉતારી ટ્રોલર્સને આપ્યો જડબાતોડ જવાબ! ડેવિડ અને વરુણ ધવન પણ થઈ ગયા ખુશ
છેલ્લું અપડેટ : 20 Sept 2026
બિગ બોસ 20નો ગઈકાલનો વિકેન્ડ કા વાર વર્ષો સુધી યાદ રાખવામાં આવશે. સલમાન ખાને એપિસોડ દરમિયાન ન માત્ર પોતાની ટી-શર્ટ ઉતારીને બોડી શેમિંગ અને એજ શેમિંગ કરનારાઓને કરારો જવાબ આપ્યો, પરંતુ પોતાના ભાઈ સોહેલ ખાન અને વરુણ ધવનને ટ્રોલ કરનારાઓને પણ આકરો જવાબ આપ્યો હતો. હવે વરુણ ધવને ગઈકાલના બિગ બોસના એપિસોડની એ ક્લિપ શેર કરી છે જેમાં સલમાન પોતાની ટી-શર્ટ ઉતારતો જોવા મળી રહ્યો છે.
ડેવિડ ધવન અને વરુણે કરી સલમાનના ગઈકાલના એપિસોડના વખાણ
વરુણ ધવને જે વિડીયો શેર કર્યો છે તેમાં તેના ઘરની ટીવી સ્ક્રીન નજરે પડી રહી છે જેમાં સલમાન ખાન પોતાની ટી-શર્ટ ઉતારતો જોવા મળી રહ્યો છે. સાથે જ ડેવિડ ધવન પણ તે એપિસોડને એન્જોય કરતા નજરે પડે છે. વરુણે વીડિયો શેર કરતા તાળીઓ પાડતી ઈમોજી પણ મૂકી છે. વરુણ ધવનની આ વીડિયો સ્ટોરી હવે સોશિયલ મીડિયા પર વાયરલ થઈ ગઈ છે. નેહા ધૂપિયાએ પણ એક પોસ્ટ શેર કરતા લખ્યું, 'ટાઈગર ઝિંદા હૈ'.
સલમાને ઉઠાવ્યો મહત્વનો મુદ્દો
ગઈકાલના બિગ બોસ 20ના એપિસોડમાં સલમાન ખાને પોતાના ભાઈ સોહેલ ખાનના લુક્સ અને વરુણ ધવનની સ્માઈલને લઈને તેને ટ્રોલ કરનારાઓને જવાબ આપ્યો છે. સલમાને કહ્યું, 'ચિંતા વ્યક્ત કરવી કે ભાઈ ઠીક નથી, ઠીક નથી દેખાઈ રહ્યા, તમારું વજન ઘટી ગયું છે એ અલગ વાત છે. પરંતુ એની મજાક ઉડાવવી, સોહેલ અને વરુણના લુક્સ પર વારંવાર વાતો કરવી એ ખોટું છે.' વરુણ ધવનને તેની સ્માઈલ માટે ટ્રોલ કરવામાં આવ્યો હતો. સલમાન તરફથી મળેલા આ સપોર્ટથી તેના પિતા ડેવિડ ધવન ખૂબ જ ખુશ દેખાયા.
ટ્રોલ કરનારાઓને સલમાન ખાનનો જવાબ
ગઈકાલના એપિસોડમાં સલમાન ખાને ટ્રોલ કરનારાઓને પણ કડક જવાબ આપ્યો. એક્ટરે કહ્યું, 'ભાઈ મોટો (જાડો) થઈ ગયો છે, ભાઈને ટ્રોલ કરો... કરી લો ટ્રોલ, આ લો, કરી લો ટ્રોલ. આવો, ટ્રોલ કરવું છે ને? ટ્રોલ કરવું પસંદ છે? આ જુઓ, ક્લોઝ-અપ કરી લો.'
સલમાન ખાનના વખાણ
સલમાન ખાને સેલિબ્રિટીઝને જજ કરતા પહેલાં પોતાની જાતને જોવાની વાત કહી. એક્ટરે કહ્યું, 'કમાલ છે! પહેલા પોતાની જાતને જુઓ ભાઈ. આ જે તમે લોકો કમેન્ટ્સ કરો છો ને, કોઈના પર પણ, પહેલાં તમારો ચહેરો જુઓ. પોતાનું શરીર જોઈ લો અને એના પછી આ બધું કરજો. પોતાના મા-બાપને જોઈ લો પહેલાં, એમની હેલ્થ જોઈ લો. એના પછી બોલજો, સમજ્યા?' સલમાને એ પણ કહ્યું કે લોકો સેલેબ્સની સ્માઈલ પર અને પ્રેગ્નન્સીના કારણે વધેલા વજન પર ટ્રોલ કરે છે. આ દરમિયાન સલમાને પોતાના કપડાં ઉતારી દીધા. હવે સોશિયલ મીડિયા પર સલમાન ખાનના ખૂબ વખાણ થઈ રહ્યા છે.
